Plantun de Prouvènço

Pèr coumpara dos planto d'encò nostre

Trichophorum cespitosum & Grimmia orbicularis

Trichophorum cespitosum

Cyperaceae

Nom en français : Scirpe cespiteux.

Descripcioun :
Aquesto bolo fai de mato dins li bas-palun, li tourbièro e riéusset de mountagno sus sòu séusous. L'espigueto de 3 à 6 mm èi souleto au bout de la cambo. Se vèi tres escaumo esterlo e lusènto e la pu basso, mai pounchudo, s'atrovo èstre quàsi o pu longo que l'espigo. La subsp. que trachis en Prouvènço, ié dison cespitosum.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 35 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Trichophorum
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 6 mm
Flourido : Printèms - Estiéu

Sòu : Si
Autour basso e auto : 400 à 2600 m
Aparado : Noun
Abriéu à setèmbre

Liò : Tourbièro - Riéusset - Bas-palun
Estànci : Mountagnard à Aupen
Couroulougi : Bourealo
Ref. sc. : Trichophorum cespitosum (L.) Hartm., 1972 (= Scirpus cespitosum L., 1753 )

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.